मोटारसायकल चोरी व वाहनातुन माल काढून चोरी करणारे आरोपीस स्थानिक गुन्हे शाखेने केले जेरबंद.”
मुख्य संपादिका महानंदा कसले
मोटारसायकल चोरी व वाहनातुन माल काढून चोरी करणारे आरोपीस स्थानिक गुन्हे शाखेने केले जेरबंद.”
मा. पोलीस अधिक्षक श्रीमती, शफकत आमना, यांचे मार्गदर्शनाखाली स्थानिक गुन्हे शाखेचे पोलीस निरीक्षक श्री. विनोद इज्जपवार यांचे आदेशाने सपोनि श्री. सचिन खटके, सपोनि श्री. अमोल मोरे, पोह/ विनोद जानराव, अमोल निंबाळकर, नितीन जाधवर, मपोह / शोभा बांगर, पोना/ बबन जाधवर, चापोह / महेबुब अरब, विनायक दहिहंडे, प्रकाश बोईनवाड असे मालाविषयी गुन्हे उघडकीस आणणे अनुषगाने पेट्रोलिंग करीत असताना आम्हांस गुप्त बातमीदार मार्फत बातमी मिळाली की, इसम नामे सिद्राम पोपट पवार व रमेश राजाभाऊ पवार रा. वरूडा पारधी पिढी यांनी कोठुन तरी मोटारसायकली, केबल वायर व खापरी पेंडीचे पोते चोरून आणुन त्यांचे घराचे बाजुला असलेल्या शेडमध्ये ठेवले आहेत. अशी माहिती मिळाल्याने आम्ही लागलीच सोबतचे पथकासह माहिती मिळालेल्या ठिकाणी जावुन नमुद आरोपीचा शोध घेतला असता ते आम्हास पाहून पळुन जात असताना त्यांना शिताफीने पकडुन ताब्यात घेवुन त्यांचे घराचे आजुबाजुची पाहणी केली असता बाजुस असलेल्या शेडमध्ये लावलेल्या मोटारसाकली केबल वायर व खापरी पेंडीचे पोते मिळून आले त्याबाबत त्यांना विचारले असता त्यांनी मोटारसायकली या धाराशिव, भुम, सोलापुर, बीड, केज येथुन आम्ही दोघांनी व केबल वायर, खापरी पेंडीचे पोते हे धाराशिव येथून दुकानातुन व वरूडा रोडवरून जाणारे ट्रकमधुन आम्ही दोघे व आमचा एक साथीदार असे मिळुन चोरून आणले असल्याचे सांगीतल्याने त्या सर्व मोटारसायकली ची माहिती घेतली असता मोटार सायकल अनुषंगाने पोस्टें आंनदनगर, पोस्टे भुम, पोस्टे केज, पोस्टे फौ. चावडी सोलापुर, व पोस्टे बीड ग्रामीण येथे गुन्हे दाखल असलेबाबत माहिती मिळाली. व केबल वायर, खापरी पेंडीचे पोते बाबत माहिती घेतली असता पोस्टे आनंदनगर व पोस्टे धाराशिव ग्रामीण येथे गुन्हा दाखल असल्याची माहिती मिळाली. आम्ही स्था. गु.शा. धाराशिव येथे दोन पंचाना बोलावुन वर नमुद 05 चोरीच्या मोटार सायकली व केबल वायर, खापरी पेंडीचे पोते असे 2,05,483 रू. चा मुददेमाल जप्त करून आरोपीनां पोस्टे आनंदनगर येथे हजर केले आहे.
सदरची कामगिरी मा. पोलीस अधिक्षक श्रीमती. शफकत आमना यांचे मार्गदर्शनाखाली स्थानिक गुन्हे शाखेचे पोलीस निरीक्षक श्री. विनोद इज्जपवार, सपोनि श्री. सचिन खटके, सपोनि श्री. अमोल मोरे, पोह/ विनोद जानराव, अमोल निंबाळकर, नितीन जाधवर, मपोह/शोभा बांगर, पोना/ बबन जाधवर, चापोह / महेबुब अरब, विनायक दहिहंडे, प्रकाश बोईनवाड यांचे पथकाने केली आहे.
जनसंपर्क
